Опасен отпад (ОО) е отпад што содржи супстанции кои имаат едно или повеќе од следните својства: експлозивност, реактивност, запаливост, надразливост, токсичност, инфективност, канцерогеност или корозивност.
Овој тип отпад може да претставува сериозен ризик за здравјето на луѓето и за живиот свет, a и да предизвика долгорочни негативни последици врз животната средина, доколку со него не се постапува соодветно.
Екоцентар 97 соработува со некои од најголемите индустриски компании во Северна Македонија кои се главни генератори на опасен отпад и нуди сеопфатни услуги за отстранување на опасниот отпад, вклучувајќи:
Идентификација и изнаоѓање на решение за третман на опасен отпад
Складирање и обележување кај создавачот/генераторот
Одредување метод на уништување/неутрализирање и одредување инсенератор
Одредување пакување за меѓународен транспорт
Преземање и складирање на опасниот отпад во соодветен магацин
Подготвување и поднесување документација за вадење на потребните дозволи и друга документација за извоз и транзит на опасниот отпад
Во соработка со стратешки партнери од Австрија, Германија, Франција, Грција и Швајцарија, Екоцентар 97 нуди решение за деконтаминација и ремедијација на загадени локации (органско загадување, тешки метали и сл.), идентификација на непознат опасен отпад, постапување со жива или со радиоактивен отпад.
Опремата за ракување со опасен отпад вклучува aнтистатички пумпи, пластични и иноксни танквани, мобилно антистатичко осветлување, а во возилата и машините што се користат се инсталирани искрофаќачи.
Главен приоритет при работата со опасен отпад е превенција и заштита од несакани последици врз здравјето на луѓето и врз животната средина. Континуирано се користат преносливи детектори за гас MSA ALTAIR 5 Multi-gas и Honeywell BW Ultra Multi-Gas Detector, кои детектираат присуство на експлозивни гасови, токсични гасови, испарливи органски соединенија, неоргански соединенија и друго.
Вработените во Екоцентар 97 поседуваат современа заштитна антистатичка опрема која вклучува и гас-маски со филтер за заштита од органски и од неоргански гасови и пареи, киселински гасови, сулфур диоксид (SO2), амонијак (NH3) и негови деривати.
