Возила

Со цел поефикасно извршување на работните активности, компанијата има сопствена логистичка мрежа на возила кои вклучуваат пет товарни возила, четири багери, три камиони со кран (капацитет за подигнување од 2 тона, носивост од 12 тони), четири виљушкари, комбиња, мали товарни возила и др. Нашата компанија има и товарни возила со ADR дозвола кои се специјализирани за транспорт на опасни материи.

Опрема за ракување со опасен отпад

Екоцентар 97 поседува соодветна опрема за ракување со различни типови на опасен отпад, вклучуваjќи: aнти-статички пумпи, пластични и иноксни танквани, мобилно анти-статичко осветлување. Дополнително, возилата и машините кои се користат имаат инсталирано искрофаќачи.

При работа со опасен отпад се преземаат сите потребни мерки со цел да се избегнат несакани последици по здравјето на луѓето и животната средина. Континуирано се користат преносливи детектори за гас MSA ALTAIR 5 Multi-gas и Honeywell BW Ultra Multi-Gas Detector кои што детектираат присуство на експлозивни гасови, токсични гасови, испарливи органски соединенија, неоргански соединенија и друго.

Вработените поседуваат заштитна анти-статичка опрема (целосно одело, ракавици, чизми), гас маски со филтер за заштита од органски и неоргански гасови и пареи, киселински гасови, сулфур диоксид (SO2), Амонијак (NH3) и негови деривативи.

Друга опрема

Компанијата располага и со опрема и машини во кои се вбројуваат преса за балирање, рачни и моторни виљушкари, дигалки и слично. Исто така има и разновидна опрема и алатки за расклопување и сортирање на електричен и електронски отпад, како и XRF (x-ray fluorescence) спектрометар.

Мисијата на Екоцентар 97 е да биде иновативен и сигурен партнер за своите клиенти и да обезбеди професионални и квалитетни услуги. Со тоа, ние и нашите клиенти заедно рециклираме и учествуваме во заштита на животната средина.

Мисијата ја остваруваме преку континуирана обука на нашите вработени, следење на светските трендови и имплементирање на нови, иновативни практики.

Визијата на Екоцентар 97 е чиста животна средина кон која се стремиме преку намалување на количеството на отровни и опасни материјали во природата, како и нивните негативни ефекти врз животната средина.

Екоцентар 97 е општествено одговорна компанија која што со години е активно вклучена во промовирање на индивидуална и корпоративна одговорност, како и промовирање на одржливи, еколошки, здрави и економични практики кои што позитивно влијаат на целокупното општество.  Нашата компанија се залага за рециклирање, бидејќи со тоа отпадот да се претвора во ресурс корисен во производство на нови материјали.

Со цел да промовира здрав начин на живот, нашата компанија дава поддршка за многубројни културни манифестации и спортски настани како велосипедизам, планинарење, бокс, фудбал и ракомет.

Во Екоцентар 97, ние сме посветени на обезбедување висококвалитетни услуги за управување со отпад што ги исполнуваат и надминуваат очекувањата на нашите клиенти и останати засегнати страни. Нашата посветеност на квалитетот е основа на нашето работење и се рефлектира во секој аспект од нашата испорака на услуги.

Ние сме посветени на:

Задоволство на клиентите: Приоритет ни е задоволството на клиентите кое целиме да го постигнеме преку разбирање на нивните потреби, обезбедување безбедни, навремени и ефикасни решенија за управување со отпад и одржување на отворена комуникација.

Усогласеност и стандарди: Строго се придржуваме до сите релевантни закони, стандарди и најдобри практики во управувањето со отпадот. Нашите услуги се спроведуваат со главен фокус на еколошките принципи, безбедноста и законската усогласеност.

Континуирано подобрување: Поддржуваме култура на постојано подобрување на нашите услуги со редовна евалуација на ефикасноста на нашите процеси, идентификување области за подобрување и имплементирање на корективни и превентивни активности за да се поттикне најквалитетна услуга.

Развој на вработените: Ги цениме нашите вработени како клучни придонесувачи за нашиот успех. Екоцентар 97 им ја обезбедува потребната обука и ресурси за едукација. Воедно, ги мотивираме вработените да се вклучат во активностите поврзани со подобрување на квалитетот и да придонесат со своите предлози.

Иновации и ефикасност: Активно ги следиме новите иновации и технологија за да ги оптимизираме нашите процеси за управување со отпад, да ја подобриме ефикасноста и да го минимизираме влијанието врз животната средина, обезбедувајќи одржливи практики во сите наши операции.

Соработка со добавувачи: Одржуваме долгогодишна соработка со нашите добавувачи и партнери, преку воспоставување на силни врски, отворена комуникација со цел да се одржат истите високи стандарди за квалитет и доверливост кои што ги одржуваме интерно во нашата компанија.

Управување со ризик: Ние проактивно ги идентификуваме и намалуваме ризиците поврзани со квалитетот, влијанието врз животната средина, здравјето и безбедноста, обезбедувајќи безбедна и сигурна работна средина за нашите вработени и за останатите засегнати страни.

Оваа Политика за квалитет служи како рамка за поставување и преглед на целите за квалитет, осигурувајќи се дека постојано ги подобруваме нашите процеси и услуги, а спроведување на политиката за квалитет останува одговорност на секој вработен во Екоцентар 97.